पुत्ला दहन

मनिष दुवाडी

वन संरक्षणमा लाग्नुको साटो आफैं वन फडांनीमा सक्रिय भएको भन्दै धादिङका वन उपभोक्ताहरुले सामुदायिक वन उपभोक्ता महासंघको विधान २०५२ र वन प्रशासन, वन मन्त्रालयको प्रतिक बनाएर पुत्ला दहन गरेकाछन् ।

 विश्व पृथ्वी दिवसका अवसर पारेर धादिङका स्थानीय सामुदायिक वनका उपभोक्ताहरुले सदरमुकाम धादिङवेसी स्थित विचबजार चोकमा पुत्ला दहन गरेका हुन् । पुत्लाका साथै उपभोक्ताहरुले भ्रष्ट वन प्रशासन, भ्रष्ट बन मन्त्रालय, भ्रष्ट सामुदायिक वन महासंघ, भ्रष्ट सामुदायिक वन र्सर्भे इन्भेनट्री प्रक्रिया लेखिएको प्लेकार्ड पनि जलाएका छन् । पुत्ला दहन गर्नु अघि भेला भएका उपभोक्ताहरु प्रत्येकले हातमा हरियो रिवन बाधेेर सांकेतिक रुपमा विरोध जनाएका थिए । साथै उनीहरुले वन संरक्षणको निम्ति अजै लागिपर्ने प्रण समेत व्यक्त गरेका छन् ।