खाना खाँदा ढुङ्गा ओकल्ने धादिङकी एक महिलामा फेरी अनौठो परिवर्तन

 रामचन्द्र भण्डारी

 खाना खाँदा मुखबाट ढुङ्गा ओकल्ने समस्याका कारण चर्चामा आएकी धादिङको खरी ८ भदुवारकी विना रानामगरमा फेरि अनौठो परिवर्तन देखा परेको छ । आज अचानक उनको निदारमा गाउँकै अर्की एक महिलाको नाम देखा परेको छ । अपह्रान्ह ४ बजेदेखि उनको निदारमा रगतको निलडामले लेखिएको ‘शाान्ति आले खरी ६ दिपटोल’ नाम स्पष्ट रुपमा देखिएको प्रत्यक्षदर्शीले बताएका छन् । यसअघि पनि अनौठा परिवर्तन देखिएर चर्चामा आएकी रानामा आज फेरी नयाँ परिवर्तन देखिएपछि स्थानीय बसीन्दा अच्चम्मित भएका छन् । अहिले घटनास्थलमा प्रहरी समेत पुगि सकेको स्थानीय राजेश अधिकारीले बताउनु भयो । बारम्बार उनको जीवनमा अनौठो परिवर्तन देखिन थालेपछि परिवार भने चिन्तित बनेका छन् । खरी गाउँ विकास समितिको जुनसुकै घरमा पाकेको खाना खाँदा रातो दर्शन ढुङ्गा ओकल्ने रानाको उपचारको लागि २ लाख भन्दा बढि खर्च भइ सकेको उनका श्रीमान धनबहादुर रानाले बताउनु भयो ।