Share this:

दुव्र्यसनी विरुद्ध अभिमुखिकरण तथा जनचेतना मुलक एवम् पुनस्र्थापना कार्यक्रम अन्तर्गत २ दिने गोष्ठि आजदेखि डोलभञ्ज्याङ माध्यमिक विद्यालय पिंडामा सुरुभएको छ । नेपाल सरकार युवा तथा खेलकुद मन्त्रालय र दिगोसमूह नेपालको आयोजनामा सुरुभएको गोष्ठीमा दिगो समूह नेपालका केन्द्रीय अध्यक्ष खिलनाथ लुइटेलको अध्यक्षता रहेको छ । गोष्ठीको उद्घाटन कार्यक्रममा व्यवसायीक तथा सीप विकास तालिम केन्द्र गजुरीका प्रमुख पुरुषोत्तम पाण्डेको प्रमुख आतिथ्य रहेको थियो ।

कार्यक्रममा माओवादी ताम्सालीङ राज्यसमिति सदस्य ध्रुव सुवेदी, बैरेनी गाउँ विकास समितिका इञ्चार्ज उत्तम अधिकारी, दिगोसमूह नेपालका सल्लाहकार दिपक लुइँटेल लगायतको आतिथ्य रहेको थियो । गोष्ठीमा कुलत तथा दुव्र्यसनी विशेषज्ञ प्रकाश श्रेष्ठ र अर्जुन मेडिकल हल किराञ्चोकका प्रमुख अर्जुनप्रसाद न्यौपानेले सहजीकरण गर्नु भएको छ । सो अवसरमा लागुपदार्थ दुव्र्यसनी, यसका असरहरु, बच्ने उपाय र कुलतमा फसेका युवाहरुलाई कुलतबाट कसरी मुक्त गराउन सकिन्छ भन्ने विषयमा छलफल भएको थियो । गोष्ठीको दोस्रो दिन भोली पिंडा माध्यमिक विद्यालय भिमशेनस्थानमा कार्यक्रम हुने किराञ्चोकबाट सहकर्मी किशोर अधिकारीले जानकारी दिनुभएको छ ।